操得一身肌肉嘅安仔當晚穿上黑色透視連身褲,相當風騷。
安仔與嘉賓謝安琪深情合唱〈教我如何不愛他〉。
許志安(安仔)於紅館舉行嘅《COME ON 許志安演唱會2015 》日前來到第三場,並請來衞蘭(Janice)及謝安琪(Kay)任嘉賓。當晚安仔一出場即表現興奮,佢話:「玩得開心啲,入行29年多謝大家成全我。」操得一身肌肉嘅安仔穿上黑色透視連身褲,獻唱期間突然拉開上衫,並將上衫攝入褲頭騷肌,赤裸上身嘅安仔風騷得勁扭腰,自信得行勻全場。
安仔與首位嘉賓Janice合唱〈會過去的〉,Janice表示很開心可以聽到安仔唱佢最愛嘅歌曲。在Encore前,安仔拖住穿著黑色連身裙的Kay上台,並合唱〈教我如何不愛他〉,兩人唱完隨即擁抱,由於安仔歌衫上有鏡片,他笑說:「我驚拮到妳。」Kay就話:「你成個剝落嚟就得。」然後佢又話:「你啲歌聽到人好想拍拖,我今晚聽咗咁多,我返去會叫張繼聰再追過我。」
留言