日前有一個自稱「Baby」嘅人發咗一篇同黃曉明分手嘅文章。
Baby第一時間喺微博否認咗分手傳聞。
Angelababy同黃曉明不時晒恩愛,但日前突然有一個自稱「Baby」嘅WeChat用戶發咗一篇題為《沒在一起,不怪誰!》嘅長文,指自己與男友黃曉明生活變得愈來愈忙,見面少令感情變質,最終分手收場。文章稱:「無奈各自忙碌的生活還需要持續很多時間,不如了無牽掛的更好。我們彼此分開,不怪誰,怪自己!」文中每一句似層層有如出自Baby手筆。
此文一出,即時引起極大迴響,唔少網民都信以為真,喺網上激烈討論,就連唔少媒體都相信傳聞,更以大篇幅報道二人分手一事。激到Baby嬲爆咁喺微博公開自己嘅WeChat對外賬號,佢話:「別鬧! 請關注我正確的公眾微信號。」
雖然黃曉明方面未有回應,但佢嘅髮型師喺微博貼出數張黃曉明同Baby嘅親蜜合照,並發文稱:「這個世界需要美好,人家正美好著呢,不用操心!」
留言