九把刀上年爆出偷食醜聞後,女友「小內」選擇原諒佢。
台灣著名作家兼導演九把刀,喺去年10月被爆出背住拍拖多年嘅插畫家女友「小內」,同中視靚女記者周亭羽到汽車旅館開房。事後九把刀出面認錯,更與女友「小內」同遊日本箍煲復合。事隔半年,近日九把刀陪同柯震東出席演講,忽然自爆:「我目前是單身。」承認同「小內」嘅十年情已經玩完,引起一陣嘩然。
前日,柯震東喺台北實踐大學演講,九把刀被叫上台後,有同學問佢現時嘅感情狀況,九把刀就直接表示同女友「小內」已經分咗手。噚日凌晨, 九把刀喺Facebook發文, 再次承認已經分手一事,佢除咗證實兩人已經分開咗一段時間,佢仲話:「小內不是公眾人物,希望大家不要騷擾她。」佢又話自己已經反省過,認為之前對感情發言太多,所以今次會以更成熟嘅手法低調處理感情事。
留言