車手“浦”完捧唔過
英超第卅六輪比賽,車路士對利物浦原本屬於一場重頭戲。不過,車仔上場成功抽“水”之後,經已提早奪得英超冠軍,餘下三場比賽只係應酬式,勝負根本無關重要。所以今場對住紅軍,真係要睇班球員嘅比賽心態與積極性,隨時變成“軟皮蛇”。因為連“車長”老摩一樣興高采烈,上星期更放班愛將一連四日大假,呢班“車手”肯定放蕩不羈玩餐飽。
另外,以老摩性格,今仗更可能派出多名副選與年輕新秀上陣,包括蘇馬、路爾斯、基斯頓臣及馬迪等,整體戰力自然有所下降,紅軍的確有機可乘。初盤車路士讓半球,要搶分嘅利物浦值得考慮。
今場波的確係“皇帝唔急太監急”,因為利物浦與曼聯只有四分之差,仍有機會爭個“阿四”踢歐冠,紅軍絕對唔會輕易放棄,今仗搶分意慾一定比“車手”更強,趁住對手有所鬆懈,要搶一分亦唔難。仲有就係紅軍領隊羅渣士曾經跟過老摩搵食,話晒都做過老摩條“口靚 ”,有需要?開聲囉!
推介:和波1:1
足球評述員 Ben
留言