鄭希怡情深款款咁望住B女,以媽媽身份過母親節。
梁詠琪就話B女大得太快,想佢慢慢長大喎!
近年娛樂圈喜事多,不少「那些年」女神都已經成為人母,噚日母親節,唔少星媽都上載BB嘅相,開心度過人生第一個以媽媽身份過嘅母親節,當中就包括鄭希怡(Yumiko)同埋梁詠琪(Gigi)。啱啱喺上個月頭生咗B女「梁浸浸」嘅Yumiko,都可以話又驚又喜,皆因B女出世唔夠24小時,就因為肺積水要轉送ICU,好彩最後都平安出院!
噚日,Yumiko喺微博貼出咗佢同「梁浸浸」嘅合照,喺張相入面見到「梁浸浸」瞓咗覺, 而Yumiko就情深款款咁望住B女,話晒都係第一次以媽媽身份過母親節,所以佢都好開心!佢仲留言話:「祝我母親節快樂。」至於同樣係第一年以媽媽身份過母親節嘅Gigi,佢就喺微博話:「清晨醒來做的第一件事情,就是餵哺BB迎接人生第一個母親節!看著她笑,大概就是母親節最好的禮物。謝謝你的依賴,謝謝你讓我知道甚麼叫無條件的愛!請你慢慢長大,你真的大得太快了!祝母親節快樂!」
留言