拜仁博“羅”彩
拜仁在歐冠盃四強首回合遭受重創,慘吞巴塞三蛋,要殺入決賽簡直難過登天,因為呢支唔係波爾圖,而係地上最強,今仗返到主場,真係諗多無謂,只望能夠攞返過“尾彩”。
巴塞羅那認真喜事重重,聯賽剛殺敗皇蘇,死對頭皇馬又失分,西甲稱王指日可待,球隊正向三冠王目標進發。雖然兩年前巴塞亦曾經在安聯球場慘吞四球,但今次重臨舊地,必然有所警覺,拜仁要驚天動地大翻盤,冇可能囉!初盤拜仁慕尼黑讓平手 / 半球,就算贏得到,最多都係一球起兩球止,不妨博拜仁小勝對手,主場可以挽回面子。
上仗三球慘敗,拜仁其實又並非踢得太差,只係埋門一腳始終不及對手強,控球指數實際上比巴塞還高,只係輸在人腳不整兼球員平均質素,今仗返到主場,相信整體發揮會有所加強,至少可站於不敗。
唔怕一萬只怕萬一,巴塞經過兩年前血的教訓,今戰必會加強防範,尤其在防守方面;不過巴塞一向攻守鮮明,前線MSN組合經已夠殺。
推介:拜仁慕尼黑2:1
Ben
足球評述員
留言