當年「靚絕五台山」嘅藍潔瑛話想復出。
一代美人藍潔瑛曾「靚絕五台山」,但係十幾年前因車禍後出現精神問題,最終要靠綜援過活,令到唔少影迷都覺得心酸。不過,近日TVB神劇《大時代》嘅重播,令有份主演嘅藍潔瑛再度成為傳媒焦點。近日,藍潔瑛接受Now TV邀請,去到《102觀星總部》接受主持梁榮忠訪問。喺節目入面,藍潔瑛大談當年感情同埋現時嘅生活狀況,佢仲話想復出添!
雖然《大時代》係23年前拍攝嘅劇集,但藍潔瑛就話依然清楚記得當年嘅點滴,藍潔瑛仲話「玲姐」係佢演藝生涯入面最鍾意嘅角色。由《大時代》講到當年感情同現時生活狀況,藍潔瑛言談間表現幽默,完全唔似有精神問題,佢仲話唔介意復出拍劇。至於梁榮忠就大爆藍潔瑛最近嘅興趣係閱讀字典,所以送咗一本牛津字典畀佢,最後仲送多首葉蒨文唱嘅〈祝福〉為佢打氣。
留言