陳亦立數醫療突破兩不是
私醫搵食難冇人回流 專科學院條數好襟計
新屆政府銳意在醫療尋突破,計劃多多,公共醫療將大肆擴軍,身兼醫委會副主席的議員陳亦立,昨在口質大會中罕有地聲嘶力竭與政府唱對台,不滿公共醫療越來越大,私家醫生無生意、難搵食。
本業為兒科醫生的陳亦立發言初段平心靜氣,稱現在全澳“公醫”有四百六十多人,未來五年要增加一倍多即四百八十多人,認為是困難事。接着陳亦立提到回流問題,越說越火滾,聲調越拉越高。他坦言,很多醫生朋友想回流澳門,但只有兩條路,一係入政府,一係開私人診所,但朋友了解到現時澳門私人醫療領域已被公立醫療霸佔了,“係無生意呀,好難搵食呀!因為專科全部係手術、微創等,根本全部由政府包晒,唔敢返來私人開診,呢點真係要考慮!”希望政府適當“放番啲”,讓澳門私醫市場像香港般活躍,才會多人回流。
就政府想設專科學院,陳亦立亦有不同意見。說如果澳大一向有醫學院,就有成熟條件設專科學院,但若甚麼都無,怕是無底洞,“由一個教授、助教開始,全部請返來嘅話,條數好唔掂。你慢慢計下,一個專科學院要用幾多錢?可能用咗政府好多!”譚司昨無正面回應陳亦立的發言。
留言