媒體
分類
新聞
余文樂水底也入樽
2015-05-13 17:47
拍攝當日烈日當空，但有籃球在手嘅余文樂一於少理，玩得不知幾開心。
余文樂重覆水底接波兼入樽嘅連串動作數十次。
余文樂形象一向健康，加上熱愛打籃球，所以每年都吸引到唔少運動品牌搵佢做代言人。近日，余文樂就搞搞新意思，接咗飲品代言嘅廣告，大玩「沙灘籃球」同「水底籃球」！問到點解打籃球打到落水底？余文樂就話：「其實故事是說我和朋友在沙灘打籃球，籃球跌落水，我跳落水追著打！」有粉絲就期望余文樂會半裸上身拍攝，不過余文樂就話驚嚇親人，所以都係著住衫好啲！
廣告拍攝分兩部分，第一日喺泳池拍水底戲，為咗安全，冇潛水經驗嘅余文樂就預先上堂學水底呼吸。拍攝嗰時，工作人員同攝影師都要佩帶氧氣筒潛落水底，但余文樂就唔可以用氧氣筒。余文樂話：「拍水底打籃球真的很困難，又要遷就鏡頭，又要就水的阻力！」拍完水底就去咗拍「沙灘籃球」，自爆好鍾意去沙灘曬太陽嘅余文樂被問到點解唔裸曬呢？佢就話：「不要嚇人吧！」然後佢又解釋係怕被人偷影，仲話呢個係職業病，改唔到！
留言