楊千嬅透露平時會向呂校長請教育兒心得。
楊千嬅主演真人真事電影《五個小孩的校長》中的「呂麗紅校長」一角大受歡迎,昨日她與真正的「呂麗紅校長」一起出席講座,同大家分享拍攝心得。千嬅透露平時都會向呂校長請教育兒心得,她說:「當媽媽後同Torres溝通有壓力,我會請教校長,佢會畀好多意見我,好受用。」
在活動上,楊千嬅被問到會不會跟兒子談性教育?千嬅直言:「太早啦!我覺得等佢開始好奇,會發問嘅時候,先係需要教育嘅時候。」千嬅透露Torres已經懂得分她有沒有化妝,她說:「佢知我每次化妝都係出去做嘢,所以見到我化妝佢就好唔開心。好似今朝佢發高燒冇返學,見我化妝師嚟咗都唔願瞓。」
問到會不會做怪獸家長,千嬅就表示會根據兒子的喜好,安排一些適合的課程給他,她說:「每個小朋友都有自己嘅個性,搵到啱嘅溝通方式先係最有效嘅學習方法。」問到是否準備多追一個孩子?千嬅說:「調理好身體先,因為自己氣管未好,但有問過Torres,佢話鍾意妹妹,但係Torres遺傳咗我嘅氣管唔好,所以想佢踢波,多做運動。」
留言