梁漢文八月紅館開騷
梁漢文(Edmond)今年八月將“單拖”踩入紅館開騷,老友林海峰(Jan)為其個唱命名“梁漢文紅館中場表演2015”,他親自解構個唱名稱由來,表示:“今次演唱會名冇‘演唱會’三個字,係咪好玩嘢呢?是Jan為我設計的。每年Super Bowl(美式足球超級碗大賽)中場有個Halftime Show,邀請具份量嘅歌手表演。而我今年四十有三,唱咗廿幾年,係時候要揭開我事業和人生嘅下半場,所以今次演唱會就叫‘中場表演’。”
日前Edmond拍攝海報,他穿着啦啦隊隊長軍褸,又拿着“小喇叭”左吹右吹,他更搞笑自稱“拿督”,又用怪英文周圍撩人玩,非常風騷。對於其海報造型玩味十足,Edmond笑說:“其實近年我拍演唱會海報都唔正經,二○○六年開騷前咁啱我做完《美女廚房》主持,於是我扮廚師。二○一二年,我扮Superman撞穿牆配合Bigman主題。”雖然已是第四次在紅館舉行個唱,但今年他仍有機會嘗試幾個“第一次”。他說:“今次係第一次開三面台,可以玩多啲視覺效果。另外,第一次喺暑假開騷,唔使再着到好厚,我同觀衆都可以着少啲!”
留言