一向低調嘅發哥同發嫂一齊慶祝60歲生日。
發哥喺切蛋糕前,不忘同發嫂恩愛自拍。
日前,係影帝周潤發(發哥)嘅60歲生日,一向低調嘅發哥選擇同發嫂及一眾好友食飯慶祝,而發嫂亦為發哥準備咗一個生日蛋糕,仲喺蛋糕上面寫住:「老公,生日快樂,永遠祝福。」發哥喺切蛋糕前,不忘展現一下佢嘅自拍神技,親自揸機同發嫂恩愛自拍,而發嫂亦作狀錫發哥,真係羨煞旁人呀!
雖然發哥一向都好低調,但一樣魅力沒法擋,事關喺發哥生日當日,唔少網民紛紛喺發哥嘅《澳門風雲2》微博留言,齊齊祝賀佢60大壽!仲有粉絲將發哥經典嘅演出同相片自製成影片,上載到網上分享,影片從發哥喺TVB嘅演出開始,之後就有《秋天的童話》嘅船頭尺、《賭神》高進,同埋《英雄本色》嘅Mark哥……等等,畀網民可以一次過睇晒發哥演過嘅經典角色。
留言