A貨Mr.另類宣傳新碟
日前地鐵車箱內驚見幾個“蒙面俠”,他們一行五人全程戴着面具蒙面,細看之下好熟口面,好像是樂隊Mr.。Mr.說:“一睇就知係翻版Mr.啦!我哋五個身高比較平均,而佢哋就比較參差,所以應該唔會認錯係我哋。估唔到我哋都有人扮,仲要咁有勇氣戴住面具搭地鐵和派傳單,好惹人注目!”
最先發現“蒙面俠”的地方是地鐵月台,他們就像普通乘客一樣坐車,沿途吸引了不少奇異目光,更有人用手機偷拍他們。他們在旺角站落車,在人流衆多的西洋菜南街停低,開始播放着Mr.新歌《邊城》,扮夾Band兼派傳單,吸引大批途人圍觀和拍照。傳單上印有Mr.成員的大頭,似尋人又似通緝犯。Mr.笑言:“無啦啦變了通緝犯,係好事呀!等多些人通緝我哋隻新碟《現實遊戲》,裡面還有好多塊膠片畀人拼唔同樣,拼下拼下有多幾個通緝犯樣,哈哈!”
留言