巴利有機會入“魔”
昨日講過迪基亞嘅轉會問題,皇馬應該會扯住唔放,定必將呢位西班牙新鋼門帶到貝拿堡球場。那邊廂曼聯當然唔想基仔離開奧脫福,因為冇咗基仔神勇嘅表現,曼聯未必可以踢到來季歐冠盃,紅魔又點會輕易放走呢位歐冠功臣?但要留住基仔絕對唔容易,相信雲戈爾經已打定輸數。
既然皇馬睇中迪基亞,曼聯亦還以顏色,矛頭直指威爾斯王子巴利,是下季重點收購。不過皇馬獅子開大口,標價八千六百萬鎊,呢個價單對曼聯嚟講認真超貴。老實講句,英超球會除咗車仔與曼城肯捨得外,應該都冇乜邊隊會咁大手筆。紅魔目前嘅籌碼就係迪基亞;至於巴利本人,由於皇馬球迷見高拜、見低踩,實在太現實,加上與隊友C朗積落唔少“心病”,繼續留低都冇癮,巴利重返英超成“魔”機會唔細。始終有個“大佬”傑斯睇住,隨時在球隊與朗尼平起平坐做大哥。
從以上種種因素,兩位球星嘅去或留,相信兩大球會好快都會達成協議。信不信由你。
足球評述員 Ben
留言