只求出位

媒體

分類

新聞

在這娛樂圈，要想出鋒頭，只要夠膽便可以。

早前張馨予在康城憑一襲“東北大媽棉襖拖尾裙”行紅地氈而一戰成名，成功搶走范冰冰的鋒頭。雖然國內外對之劣評如潮，但難得成為焦點，又有甚麼所謂呢！

就好像以前的范冰冰，唔理大家說她冇戲參展都去行紅地氈，而且衣着被評似是“皇袍加身”，非常誇張。雖然當時未必好多人知她是哪一位，但就一定成為拍照焦點。

說回今次張馨予這襲“東北大媽棉襖裙”的設計師胡社光，日前就在朋友圈轉發說：“造價不高，工期不長，一件禮服最終能達到轟動世界的效果，這是時尚嗎？我覺得這就是時尚了。”

胡社光曾在荷蘭生活廿五年，也幫過不少女星設計紅地氈晚裝，但這套“東北大媽裙”連內地網民都在微博狂鬧Bad Taste。不過，胡社光懶理一切，說自己冇睇到，亦唔想睇，覺得是浪費時間。

每個設計師都有自己的風格，而且只看這件衫是否能為明星達到出位效果。既然胡社光和張馨予唔覺Bad Taste是壞事，又各自達到目的，這才是最佳的結果。

方筱