嘉玲認同藝術無界
劉嘉玲、許鞍華(Ann)及王幼倫(Michelle)日前作客無線娛樂新聞台節目《Star Talk》專訪,三人齊齊談藝術文化推廣。
問她如何擴闊藝術修為?嘉玲說:“我會放開自己的界限,接受新事物,享受過程。現在我乜都做,看看自己有幾多可能性,中間會有好多失敗的,但學到好多東西,我亦冇以前咁驚青同徬徨。”
嘉玲亦表示非常欣賞Michelle的人生和工作態度,“Michelle觀察入微,我就粗心大意,我要好好向佢學習;佢仲顧及其他人感受,我好佩服她心思細密。”Ann說:“Michelle連睇戲食隻熱狗都好講究,就知佢為人細心,做事好仔細。”Michelle表示可能自己是珠寶設計師,所以較自我。她說:“我覺得自己鍾意做的事就係對的,好彩我鍾意的都有人鍾意。”
問到今時今日推廣藝術會否很吃力?Michelle表示要令年輕人有心機去體會和咀嚼藝術。嘉玲則表示:“我唔覺得阿Ann拍的是藝術片,大家睇唔明就話係藝術片,對電影有誤解,其實真係唔需要完全明白,有空間思考反而更好。”
留言