國際足聯風雲
國際足聯認真風雲驟變,早幾日再度當選國際足聯主席嘅白禮達,昨晨突然宣佈辭去主席一職,有關職務懸空至選出新主席為止。之前白禮達因為兩名左右手牽涉貪污問題,被美國檢察機關部門起訴,但白禮達依然死撐到底,硬着頭皮繼續與約旦王子阿里爭選。經過第一輪選舉後,王子為息事寧人自動退選。記得王子退選後在記者會表示,為了支持自己嘅朋友人身安全,所以作出呢個抉擇。呢句説話認真可大可小,反映出國際足聯相當黑暗。
國際足聯多年來,其實一直存在唔少貪腐問題,甚至一八年在俄羅斯及二○一二年卡塔爾申辦世界盃決賽周,都傳出涉嫌貪污嘅醜聞,但都能夠風平浪靜過去,直至最近先至爆大鑊,多名高層被緝捕。據聞美國司法部門亦正式調查白禮達,牽涉金額達到一點五億美元。白禮達經已結束十七年主席生涯,但今次貪污案肯定手尾長,或者打貪風暴現在才剛開始,七十九歲嘅白禮達更隨時要受牢獄之苦。
足球評述員 Ben
留言