陳奕迅自爆怕老婆
陳奕迅(Eason)日前接受新城電台《晨“希”Good Day》主持林柏希和鄭芷彤的訪問,提及最近推出的粵語新歌《無條件》及家庭生活。Eason認為新歌《無條件》講述的情很闊,每種關係都可以有無條件的愛,例如:愛侶、家人、朋友,甚至寵物對主人的愛。
Eason相信世上絕對有無條件的愛,問到對太太徐濠縈和女兒陳康堤的相處之道,他直言:“我對佢哋一向都無咩要求。”徐濠縈熱愛跑步,但對跑步反感的Eason坦言絕對尊重及支持太太的興趣,太太亦一樣尊重Eason打羽毛球的興趣。徐濠縈有時會邀請Eason跑步,Eason亦會陪太太跑。
Eason又指不會強迫女兒做一些她不願意做的事:“我有問佢學唔學網球,佢話無興趣,其實無所謂,但係可以介紹吓唔同嘅活動比佢知。我覺得每個人都唔同,最重要係識尊重。我當然希望佢做我個女覺得無壓力,以前佢問點解成日有記者影相,我都會耐心同佢解釋,同叫佢唔好望啲燈,驚對隻眼唔好。”當康堤考試成績優異時,Eason 亦會送她喜歡的CD作獎勵。
Eason笑言家庭中三人是互相制衡的:“個女就驚我,可能係我把聲太大,講嘢好鏗鏘。但我就驚老婆,見到佢個樣,嘩,好似有啲嘢喎,咁我就會驚。但老婆就驚個女,好搞笑!”Eason指這就是他們三人的緣份。
留言