吳綺莉為女操心哭腫眼

    子夜十二時，吳綺莉架黑超，亮相無線《娛樂頭條》。心頭一凛，小龍女又出事，竟果然嚇出一身冷汗。最近，小龍女右腕滲血，才揭手舊痕有二、三十處之多……

    吳綺莉解釋為何架黑超上鏡：“我雙眼哭腫了，腫到似金魚，不能見人。昨晩見女兒右手流血，她將長袖衫套住隻手，想唔畀我見到，但見鮮血滲出。（她為何這樣做？）佢話因為同學的問題。”她强調女兒“自殘”絕非感情和家庭問題：“我有同囡囡傾，叫佢以後唔好再這樣，佢答我會試吓。我亦有去學校傾咗好耐，了解發生咩事，佢今日都有返學。”

    倒叙當日下午六時，吳綺莉接女兒返家，卓林下車後，以長袖外套遮掩腕上的傷口，手持飮品急步入寓所。記者高聲問：“手傷如何？”“冇事！”但她拒與母合照，箭似返家中。

    話説回當天上午，吳綺莉返電台開工：“女兒已返家三天，心都定啲，做嘢唔使心慌慌。呢兩日反而有胃抽筋。（母女一齊住？）係呀！（是否傾多咗偈？）係呀，冇咁夠膽命令式同佢講嘢。佢話放學去睇戲，我話好呀、好呀，叫佢去睇，睇完返屋企就得。”

    吳綺莉最關心小龍女學業：“（因為酗酒報警事件）佢去咗契媽處住宿，成個月冇返學。（驚唔驚佢追唔上？）我現在冇迫佢，唔敢問佢功課，佢自己睇住自己，都咁大個人，迫佢做功課都冇用，順其自然啦。”

    早前，小龍女網載一支酒的照片，藍色的酒水好靚，附兩張戲票。卓林似未受事件影響，心情輕鬆。

    翌日，吳綺莉回應守候記者，說還未帶卓林去看醫生或心理專家。重申囡囡手，因有同學自殺而受刺激。係眞唔係眞呀？“我一向不喜歡講別人的事。”將手事公開，會否令卓林有壓力？“我諗，我可能講錯咗嘢啦。”

    正面宣傳、反面宣傳，都是宣傳。吳綺莉人氣嬝嬝而升，快將開拍單元劇《獅子山下》了。“好細個就嫁咗個黑社會大佬，後來佢被斬死了。”吳綺莉描繪這個苦命角色：“有個女，買了一間僭建天台屋。後來癲咗，自殺死……”吳綺莉在揣摩角色時，强調“沒有影響情緒”。

    高 梁