噚日網上流傳一條Eason喺機場黑臉嘅片段。  

陳奕迅喺Instagram發文向歌迷道歉，仲話係海關搞到佢唔開心。
陳奕迅（Eason）近日去內地太原開個唱，不過佢抵達當地機場嗰陣，就有粉絲話佢全程黑臉嬲爆爆。網上就流傳一條當時Eason喺機場嘅影片，片中有唔少粉絲追住佢影相，而Eason好明顯心情不佳，佢邊行邊話：「對不起，是海關搞到我不開心，真的對不起。」之後有粉絲大叫：「Eason，你是最捧的！」點知Eason忽然轉身，用手指住其中一個人話：「從下飛機開始就拍拍拍！他是穿制服的！這是太原給我第一個印象！」講完佢一個轉身，急步離開機場。

事後，呢段影片喺網上瘋傳，有網民奇怪Eason點解會突然發脾氣，隨後Eason就喺Instagram發文話：「實在太對不起剛剛接機的你們，但……」有粉絲就替佢澄清，話Eason係對機場嘅工作人員同海關不滿，因為佢哋顧住影相，毫無專業態度。另外，Eason喺機場唔見咗一件行李同一支木結他，但太原機場方面就推說行李喺香港機場唔見，唔肯負責。最後，Eason用咗兩張演唱會飛，先喺太原機場搵番件行李，所以Eason先會咁忟憎。