林文龍忍讓郭可盈
林文龍早前首部投資的電影在海外獲得多個殊榮,他自己亦獲得兩個男主角獎項,揚威海外。他接受有線《星級會客室》專訪,與汪曼玲分享得獎心情,憶述入行經過,並大談與妻子郭可盈相處之道及家庭生活。
與郭可盈拍拖至結婚十一年多,外界一直形容他們的關係是“女尊男卑”,林文龍則沒有介懷,認為只是傳媒為造新聞而如此編撰。他承認郭可盈性格剛烈,有時脾氣較大,於是他採取“以柔制剛”的方法。
林文龍表示:“我哋性格相反,但生活習慣接近,相處咗咁多年,大家都了解對方嘅生活模式。我唔介意妥協,圓滑自己嘅棱角,嗌交時我盡量唔出聲。”提到愛女津津,林文龍笑說:“我喺外地工作會好掛住囡囡,要擺佢張相喺床頭,同埋帶佢着過未洗嘅衫去,每日都可以聞住佢陣味。呢個世界無嘢比囡囡更重要,做父母每日都在學習,我希望可以教佢做一個好人。”
留言