曾拒女同志示愛
鄭融獲封拍拖精
鄭融日前到梁梓禧、茜利妹主持的Now TV電視節目《攣直後援會2》當嘉賓,該集節目探討為何越來越多“直女”被TB(女同志)從“直男”手上成功搶走。
節目安排了三位具優秀外型及條件的真假TB讓鄭融猜“誰是真的女同志”。三位TB又各出奇謀向鄭融獻媚,最後雖然“唔受溝”,但她坦言:“嘩!佢哋都好有魅力,都有一刻心動,但我始終都係鍾意男人,Sorry囉!做朋友可以嘅。”鄭融又直認喜歡與男同志作伴:“有一次去新加坡做嘢,夜晚同當地工作人員落Club,好多男同志,我覺得係人生最好玩嘅一次!因為佢哋玩得好放,跳到興起,仲會除去上身的衫跳熱舞,直男唔會咁盡興。”
鄭融回憶中學就讀女校,曾好欣賞TB:“覺得佢哋好有型!”雖然都有女同志追求,但她從來都冇愛上過女同志,但做到好朋友,“因為佢哋同時擁有女人嘅細心,以及男人嘅剛烈,相處得舒服,有時都會問我追女仔的意見。”
由於鄭融戀愛經驗豐富,她被兩位主持人送予“拍拖精”的錦旗,但其實是明獎暗寸,難得鄭融笑着接受,但她都忍不住為自己平反:“我拍拖經驗一定比梁梓禧同茜利妹少,而且我係好專一嘅女仔!”談到現任外籍男友,鄭融不諱言已視對方為結婚對象。
留言