阿根廷老鼠拉“圭”
美洲盃明早阿根廷將會與巴拉圭展開激戰,九十分鐘無加時,一場過爭奪決賽資格。分組賽阿根廷曾經以兩球領先巴拉圭,可惜有頭威冇尾陣,下半場連吞兩隻“圭”蛋,最後都係握手言和;今場生死戰,阿根廷絕對不能再先緊後鬆,否則重蹈覆轍,隨時與巴西同一命運。
巴拉圭又一次先死而後生,落後巴西一球,繼續以打不死精神,最終更以十二碼將“森巴兵”淘汰出局,球隊上下士氣激昂,再戰阿根廷完全未驚過。初盤阿根廷硬讓一球,未贏過一場盤嘅阿根廷真係捧唔落手,一於搏受讓嘅巴拉圭再有驚喜。
阿根廷的確有一條超強鋒線,但由分組賽至今似乎有名無實,美斯只得一個十二碼進賬,阿古路、迪維斯及希古恩“交貨”唔多,難怪贏波都係“魚生粥”,今仗要贏死纏爛打嘅巴拉圭兩球先有純利,認真搏唔過。
巴拉圭上場對巴西踢得出色,射門次數比巴西幾乎多出一倍,的確值得殺入四強,而且捧巴拉圭贏盤真係贏到笑,今場波應該又係以十二碼才能分出勝負。
推介:和波1:1
足球評述員 Ben
留言