陶大宇廚藝了得變大媽
由陶大宇、劉明軒、王曉君主持的有線節目《我愛煮食男》,請來林韋辰、張文慈、麥家琪及劉錫賢擔任嘉賓。陶大宇與四位嘉賓認識多年,但四人皆未試過他的手勢,眾人對今次的全素宴大感滿意,食不停口,劉錫賢更表示食出媽媽的味道,以後要改口叫“陶大宇媽”。
已是人母的麥家琪十七歲便跟陶大宇合作,劉錫賢問陶大宇當年有冇被這個青春少艾吸引,麥家琪大爆:“佢唔會鍾意我,佢當時鍾意個大啲架!”令陶大宇即時要求轉話題。麥家琪又指陶大宇“師奶殺手”稱號非浪得虛名,“我出台時啲人會問邊個嚟,但陶大宇一經過就有人尖叫。”林韋辰又大爆多年前的秘密,“我同陶大宇好多年前試過一齊去澳門睇賽車,學人買酒飲,但又唔識飲,飲到醉晒,喺船上嘔到返香港,返到嚟坐喺地下好耐都未起到身。”陶大宇以“咪王咪后”形容四位嘉賓,指出他們擅長唱歌,每人即席高歌一番,陶大宇亦難得在鏡頭前展現歌喉。
留言