媒體
分類
新聞
委員大鬧真離譜
2015-07-03 06:30
蓮花地，開新墟，日昨又打鑼，向高人問計，唔問尤是可，一問引「嘮蘇」，工程，地產佬，多呻「好胡塗」！聽咗「好似冇」！？
點解咁「嘮蘇」！工程哥嘆曰，今回開新墟，早應已落鎚，官家慢吞吞，一拖又數載，直拖到依家，填海話「冇」沙，你話幾丟架！？
大則師又話，今次話聽「計」，資料又唔齊，向來蓮花地，最「論盡」交通，話建第四道，連通澳氹島，新道係建橋，抑或建隧道，依家要問計，亦都講唔到！？既然唔齊料，何必出黎「嘈」！？
大委員仲嬲，大鬧真「離譜」，雖然話規劃，做事確「垃圾」，開鑼前一日，D料才訂冊，唔通官老爺，以為各委員，個個係神通，一目可十行，通宵嚟「刨冊」，翌日成計劃，好似曹太子，七步可成詩，委員若鬼才，蟻民就「唱彩」？！
亦有神閒者，細味後慢道來，呢個「大坡席」，對於蓮花地，今後廿、卅年，發展好重要，預計起公屋，單位五萬四，可安置居民，數達三萬二，人口擠迫度，比舊區更高，這一大發展，牽動千億錢，有如大金礦 ，爭噬「囊中物」，若講得切實，好易「得個桔」。
蓮花地傳統，凡牽涉土地，必然霧迷離，渾水好摸魚。過早洩「天機」，誰「漏口」必「死」。
是故數十年，凡有大發展，內情必閉先，待分清妥當，「天」自然「會光」。如今大祠堂，當年新開檔，也號稱陽光，可回看多年，陽光可見度，最亮像「耶蘇」，總之好過無。偉論家所言，濠江「譚大炮」，香港發偉言，若是通透明，咁就非澳門！
‧阿茂‧
留言