女足決戰前瞻
美洲國家盃兩支決賽球隊產生後,昨晨的女足世界盃兩支爭標女中豪傑亦隨之誕生,美國與日本冤家路窄,再上演上屆決賽翻版,將在下周一早上爭奪本屆后冠。上屆美國在互射十二碼落敗,被日本搶走冠軍,今場有仇不報非“淑女”。
美國今屆再度披荆斬棘,連過數關殺入決賽,絕對唔會再錯過大好機會。尤其係陣中多名老將,真係不成功便成仁。美國貴為奪標熱門之一,實力當然唔簡單,由分組賽至四強,美國遇到最強勁對手,應該係上仗四強對德國。兩隊的確屬於勢均力敵,結果“美女”贏在埋門把握外,亦勝在大賽經驗豐富,兩球落敗嘅“德女”應該輸得心服口服。睇完呢場“美德”大戰後,美國的確甚有冠軍相。
至於日本在四強淘汰英格蘭,就贏得驚濤駭浪,要去到補時,仲要對手一個“烏龍波”,“東瀛魔女”先至可以同一班“美女”再度相逢。兩隊陣中有唔少老對手,何謂新仇舊恨一朝了。
不過,講笑咁講,呢期日本仔咁鍾意擦美國佬鞋,唔知呢班“美少女戰士”又會唔會……
足球評述員 Ben
留言