“二奶王”阿根廷
美洲國家盃經已曲終人散,主辦國智利憑住天時地利人和,在決賽以最殘酷嘅互射十二碼,擊敗南美一哥阿根廷,首次奪得美洲盃冠軍,阿仙奴球星山齊士、祖雲達斯中場維達爾及門神巴禾成為國家英雄。
阿根廷在世界盃屈居亞軍後,繼續“二奶命”,已經廿二年未奪得過任何大賽冠軍,球王美斯始終未能帶旺國家隊,的確遺憾,希古恩十二碼宴客更成為罪人。
睇返整場比賽,智利發揮的確較出色,控球指數高於阿根廷,十八射四中目標,所謂擁有超強火力嘅阿根廷全場只得兩次中目標射門,今屆表現大上大落嘅阿根廷未能奪標確實與人無尤。
有美斯、迪維斯、迪馬利亞、阿古路及馬斯卓蘭奴等世界級球星,阿根廷的確人強馬壯,賽前亦被譽為今屆美洲盃頂頭大熱,惜整體發揮並未達到應有效果,除四強戰大炒巴拉圭一仗外,其餘各場比賽都差強人意,相信最大的原因係球隊欠缺合作性。阿根廷曾經憑馬勒當拿一人之力奪得世界盃,但現今足球始終都要講求整體性。
足球評述員Ben
留言