《三人行》壽星仔慶生日
由趙薇、古天樂和鍾漢良主演的新片《三人行》正在廣州拍外景,今日生日的林雪要在片場中度過,出名“惡人”的導演杜琪峰也有“愛錫”林雪的時候——原定林雪在戲中要死去,但杜Sir突然叫他“唔使死住”,總算生日流流唔使死,大吉利市。
昨日劇組就為三位七月生辰的洪天明、林雪和天華搞神秘生日派對,台前幕後百人大合唱生日歌。期間天華扮向古仔掟蛋糕,古仔扮掟蛋糕落天明個頭,古仔反擊捉住天華和天明Kiss,幾個百厭星左閃右避,趙薇和鍾漢良在旁觀戰偷笑,非常熱鬧。之後三位壽星仔一齊許願吹洋燭,杜Sir突然大喝:“林雪,因住你的口水呀!”林雪醒目地立即用手掩嘴,全場爆笑。
三位壽星仔異口同聲生日願望都是身體健康,天明說:“今年好開心在片場一齊慶祝,正日返香港同家人一齊過。天華,你都係想返去見囝囝啦!”一講到囝囝,天華立即甜到見牙唔見眼,說:“係口架!我的生日願望呢?(天明插嘴說生多個。)哈哈,大家都身體健康,事業更好,每日都咁開心!”
留言