哥斯達黎加埋“牙”

媒體

分類

新聞

今日繼續推美洲金盃賽事，由哥斯達黎加對牙買加。哥斯達黎加雖然在中北美洲唔算最頂級強隊，但亦非三四流之輩，陣中多名主力都在歐洲五大聯賽效力，包括甘保亞、基安卡路、迪亞斯及波格斯等，拜仁雷斯與祖爾甘保更經已打出名堂。

在去年巴西世界盃決賽周，哥斯達黎加表現令人驚喜，強如烏拉圭與意大利都要成為腳下敗將，只在八強戰互射十二碼被荷蘭淘汰，足以證明哥斯達黎加的確深藏不露。今場對住世界排名六十五嘅牙買加，哥國應該實食冇黐“牙”。

牙買加啱啱踢完美洲盃回歸，所以球員比賽狀態應該不成問題。但限於整體實力關係，今戰對陣哥斯達黎加，相信仍會處於下風。

牙買加陣中亦有唔少球員在歐洲搵食，不過只效力於低組别球隊，平均戰力未見突出。在美洲盃分組賽三戰三敗，但對住南美三支勁旅，球員拼勁亦值得一讚，希望今場憑鬥心可以將差距較為拉近。初盤哥斯達黎加讓半球，踢過世界盃大場面嘅哥國又點會驚你有“牙”？讓得起半球。

推介：哥斯達黎加2:0

Ben

足球評述員