墨西哥冇斷“古”

媒體

分類

新聞

今屆美洲金盃賽奪冠熱門之一嘅墨西哥明早登場，將對住弱旅一族古巴，預料近期難得一勝嘅“仙人掌兵團”可以一洗頹氣。

古巴在世界排名去到一百○七，在中北美洲區亦只屬三、四線球隊，足球水準確係有限公司。墨西哥話晒都係去年世界盃決賽周列強之一，達到世界級水平，兩隊實力明顯有較大差距，如無意外墨西哥應可大勝一場。初盤墨西哥讓兩球半／三球，似乎有點兒讓得過份，但足以證明雙方實力“天與地”，照捧墨西哥贏波贏盤。

墨西哥被邀參加美洲盃，可惜在分組賽兩和一負出局，表現認真麻麻。不過，當時嘅墨西哥只係應酬式參戰，今屆美洲金盃才是真正目標。陣中主要攻擊手杜斯山度士及卡路士韋拿經已歸隊，加上靴里拉與古亞達度兩位西甲奇兵，可以排出最強人腳出擊，近七場不勝嘅墨西哥，今戰誓必大開殺戒。

睇返古巴近年對賽對手，都係低水平國家球隊，三月份曾經對過較強嘅牙買加，結果慘吞三蛋，今場對墨西哥應該凶多吉少。

推介：墨西哥4:0

Ben

足球評述員