陳奕迅自認昔日反應慢，曾經一度被主持人問到口啞啞。  

陳奕迅想同張學友重拍《春光乍洩》，更不介意全裸演出。
「金曲歌王」陳奕迅（Eason）作客TVB節目《娛樂3兄弟》。很久沒上清談節目的Eason談笑風生，自爆錄影前一晚緊張到失眠，更主動提起當年被主持人區永權（Albert）問到口啞啞的事件。Eason自認昔日反應慢，對Albert的刁難問題，要待數日後才想出最佳答案，感覺像輸了一樣。

最近忙於宣傳全新廣東專輯的Eason，暢談新歌創作概念，談到老友謝霆鋒為他作的新歌〈起點，終站〉時，Eason忽然「扮嘢王」上身，模仿霆鋒的招牌Chok樣，Eason還搞笑說：「我有諗過拍一輯《12道燶味》，每度菜都係燶，請嘉賓上嚟試食，睇下啲燶味有乜唔同。」

陳奕迅忘記歌詞？

有內地網民以「康雍乾」來形容三代歌王：譚詠麟、張學友和陳奕迅。節目中，Eason也有提及校長和學友這兩位亦師亦友的前輩，問到校長經常忘記歌詞一事，Eason說校長其實也可以記到歌詞，只是因為他分心關注台下觀眾的反應，他說：「甩歌詞係因為我哋太敏感，好多時要顧及觀眾嘅感受，失去咗個Focus。」

拍全裸戲要先修身

在問答環節中，被問到如果和學友合作重拍一部經典電影，會選擇哪一部？Eason說：「我對《春光乍洩》有興趣喎！唔介意全裸演出。如果拍嘅話希望學友先剃鬚，同男人接吻我得嘅，但如果對方有鬚我就接受唔到囉！至於全裸戲就一定要修咗身先，如果唔係要將我拍成26比9先出到街。」