葉童懶理丈夫緋聞
曾獲兩屆香港電影金像獎最佳女主角的葉童,最近接受有線《星級會客室》節目訪問,與主持人汪曼玲細談入行後的轉變。她指丈夫對她影響甚大,她亦笑言懶理丈夫的緋聞,更自言人生一切全因他而改變。
十九歲便被電影公司發掘拍電影擔當女主角的葉童,一直醉心演藝事業。她表示:“那時中學畢業,唔知可以做咩,懵懵懂懂咁就入行。”當時這部電影中,更有她與張國榮合演的床戲,葉童指自己當時相當害怕,“第一次拍戲就有床戲,完全唔知點做,有諗過拒絕,好彩張國榮畀咗我好多信心,我亦明白係有需要加呢個場口,所以就盡我所能去拍好佢。”
葉童結婚廿七年,丈夫曾被影到與一中女有親密表現,葉童依然維護他:“一對夫婦一定會經歷高低起跌,但年紀大咗就更加識珍惜,唔係做咗咩唔可以容忍嘅大事就得。行街咋嘩?我哋有自己嘅空間,大家都有異性朋友。我好後生就同佢一齊,一直跟住佢睇呢個世界,佢帶我入電影圈,教我做戲,令我接觸好多唔同嘅朋友,改變咗我嘅性格,可以話我有今日,都係因為佢。”
留言