馮德倫同吳彥祖出席發布會,宣布新劇將會喺11月於美國首播。
馮德倫(Stephen)為美國AMC 電視台拍攝首部電視劇〈Intothe Badlands〉。噚日,佢哋就喺美國聖地亞哥嘅全美最大動漫節舉行首個發布會,宣布新劇將會喺11月於美國首播,至於首條預告片亦喺發布會曝光。劇中男主角吳彥祖(Daniel)造型極為搶眼,一身唐裝色彩長袍、手持雙劍同敵人對打,身手敏捷嘅佢令人眼前一亮。
身為監製兼導演嘅Stephen就話:「新劇賣點並非市面上常見的特技效果,而是真功夫,也是目前市面上最大投資,且唯一一部以武術掛帥的電視劇。」Stephen再說:「我和Daniel自少愛功夫,所以一起監製一部跟武術有關的美劇,將中國功夫顯現出來。」據了解,Daniel為咗今次演出,進行咗兩個月武術同體力特訓,希望可以喺新劇大顯身手。Stephen話:「我和Daniel應該是第一位拍攝美國電視劇的華人監製,至於我是否第一位拍美國電視劇的華人導演,就不敢肯定了!」另外,Stephen又話正籌備以魔術師為題材嘅電影《無所不能》,希望年底或明年初可以開始拍攝。
留言