鄭秀文演唱會廣州站嘅門票,日前一開賣即時被秒殺售罄。
得知演唱會門票大賣嘅消息後,鄭秀文表示會全力以赴,答謝歌迷嘅支持。
鄭秀文(Sammi)今年舉辦嘅《鄭秀文Touch Mi世界巡迴演唱會》場場爆滿,一票難求,下個月佢將會移施到廣州站。前日,當地門票一經開售即時被秒殺售罄。有唔少歌迷喺網上留言話:「還沒來得及搶就沒了。」為咗答謝粉絲對Sammi嘅熱情厚愛,主辦單位決定加開一場,令唔少未買到門票嘅歌迷都相當期待。
噚日,Sammi嘅演唱會廣州站加場門票開售之後,同樣唔夠五分鐘又被搶購一空,的確夠晒火爆!而身在巴黎拍緊電影嘅Sammi都非常關注加場嘅情況。當佢知道廣州站門票又即時被秒殺呢個好消息之後,就話覺得好興奮同好開心,佢話:「好多謝大家嘅支持,我一定會全力以赴,而家已經好心急希望快啲到8月,飛到廣州同大家見面!」
留言