對於以天價轉投蕭定一旗下嘅傳聞,胡杏兒就無正面回應。
胡杏兒早前喺內地拍攝真人節目,獲得唔少人氣。
現年35歲嘅胡杏兒已經同TVB合作咗16年,最近一直有傳佢喺約滿後將會離開TVB轉戰內地市場。噚日,正式約滿嘅杏兒喺Instagram發文話:「Back to reality!(回到現實)」而佢接受內地媒體訪問時就話:「TVB對我嚟講係娘家,栽培咗我咁多年,先有今日咁樣嘅成績。但人生唔同嘅階段想去經歷啲唔同嘅嘢,所以暫時唔會續約。」
同男友感情穩定嘅杏兒可謂事業愛情兩得意,提及早前TVB表示會盡全力挽留佢,杏兒表示:「非常感謝佢哋嘅誠意,但選擇離開唔係條件或者其他外界嘅因素,係因為到咗一定嘅年齡,想去經歷一下唔同嘅環境。」對於早前有傳佢同TVB約滿之後,將以天價2,500萬轉投蕭定一旗下嘅經理人公司,杏兒就話:「暫時無嘢可以宣布,多謝大家關心。」
留言