草蜢表示有歌迷由廣州跟來佛山支持他們,所以非常高興。
開場草蜢以〈我要跳舞〉、〈嗲噢〉和〈三分鐘放縱〉打頭陣。
草蜢在佛山嶺南明珠體育館舉行《Be Three演唱會》,當晚全場座無虛席。開場草蜢以〈我要跳舞〉、〈嗲噢〉和〈三分鐘放縱〉打頭陣,更與舞蹈員表演人肉風車等高難度舞蹈。之後三人輪流作個人表演,蔡一傑打筋斗顯身手,蘇志威表演「摩打腳」,蔡一智則跳探戈舞。
開場不久,草蜢就由頭到腳全身濕透,而台下歌迷亦非常投入,衝到前排鐵欄前揮螢光棒和燈牌,又唱又跳。蔡一智表示:「見到有歌迷由廣州跟到嚟佛山支持我哋,睇到全場爆滿真係好開心!我哋唱〈Lonely〉嘅時候,全場觀眾開住手機當電筒,觀眾席變咗星海,好靚、好感動。」
演唱會結束後,全身濕透的草蜢仍然情緒高漲,蔡一傑說:「見到歌迷由頭跳到尾都好High、好熱情!」蘇志威則表示:「另一件感動嘅事係全場大合唱生日歌送畀我哋,因為今年係我哋草蜢成立30周年,所以我哋都送返啲嘢畀歌迷,就係唱咗上次廣州站冇唱嘅〈我們〉畀佢哋。」
留言