日前有傳胡杏兒與男友將於12月喺英國舉行浪漫婚禮。
胡杏兒同男友Phil拍拖未夠一年但感情穩定,一直屢傳婚訊。
啱啱離開TVB嘅胡杏兒,近日被爆以2,500萬包薪三年加盟蕭定一旗下中國3D數碼娛樂。而佢同拍拖未夠一年嘅圈外男友Phil感情穩定,更有傳對方已經向佢求婚三次,雖然杏兒否認:「同男朋友一齊唔係好耐,唔心急,仲要啲時間相處。」不過,近日有消息指Phil早前已經喺馬爾代夫向杏兒求婚成功,佢哋兩個將會喺12月於英國舉行浪漫婚禮。
杏兒剛以天價簽約新公司,又同男友傳出婚訊,真係可喜可賀。據知情人士爆料,杏兒而家喺內地忙緊拍劇,婚禮會交畀Phil負責籌備,Phil嘅兄弟團已經Hold定12月尾去英國。至於點解會揀喺英國行禮?原來係因為杏兒曾經喺北愛爾蘭讀書,而Phil就喺英國長大,佢哋兩個嘅屋企人大部分都喺當地生活,加上佢哋都好鍾意英國,所以杏兒決定喺當地舉辦婚禮。
留言