管理EQ輸波唔輸品
英雄地再發生不愉快事件!網上及微博前晚瘋傳香港明星隊在內地踢足球表演賽期間,與當地球隊出現肢體碰撞,最終賽事腰斬提早散場。慈善表演賽最後不歡而散,更引發部分香港和內地網民口水戰,令人惋惜。
據報,香港明星隊由譚校長帶隊到廣西東興市踢表演賽,上半場明星隊贏東興B隊六比一,當時B隊球員亦有與校長合照,老友鬼鬼未見異常。下半場,東興派出實力較強的A隊出戰,雙方實力接近,戰況激烈,但A隊仍以一球落後。完場前十二分鐘,A隊鏟波弄傷明星隊球員,明星隊有球員甚為不滿,雙方發生拉扯。雙方場外球員更一同衝入球場,期間發生肢體碰撞。最終明星隊拉隊離場,提早執包袱離去。
素來球場如戰場,比賽踢得性起之際,偶遇不如意之事,一時火遮眼發生口角絕不為奇,即使互有推撞,雖失風度,尚可理解。但繼而動手,這種違反體育精神的行為,就不值得原諒。
任何事情皆“一隻手掌拍唔響”,即使對方有幾唔啱或踢茅波,亦應理性地向球證反映及投訴,以暴易暴並非解決之法。
作為公衆人物,場上一舉一動隨時為年輕一代仿效對象,個人情緒管理及行為表現更為重要。電視劇成日都話:“打波啫,唔使勞氣嘅。”落場較勁,比賽與友誼同樣重要,參加比賽就是要享受公平競技的樂趣。輸波不打緊,球品不可輸,共勉之。
賈大廚
留言