曼聯新賽季展望
新一季英格蘭超級聯賽將於下周開鑼,揭幕戰在奧脫福球場拉開序幕,由全球最多“粉絲”嘅紅魔鬼曼聯對住實力派分子熱刺,曼聯能否重振聲威打響第一炮,大家不妨拭目以待。
今日就同大家講吓曼聯今季展望。雲佩斯與法卡奧因為上季未能發揮出應有水準,雲戈爾今季唯有放走兩大攻擊手;“天使”迪馬利亞亦好大機會離隊。所以曼聯要在英超及歐戰東山再起,今季非要“補貨”不可,且仲要有返咁上下級數與份量。到目前為止,先後引入荷蘭新星迪比、德國“大哥級”國腳舒雲斯迪加,法國中場舒尼達連、意大利後防達美安及阿根廷國門羅美路,前中後三線實力明顯增強。問題係除舒尼達連外,四位強援都需要時間適應英超踢法,亦要磨合球隊配合,相信季初仍需要一個過渡期。
曼聯季前踢咗四場熱身賽,無論勝負如何,始終只係寓賽於操。以“雲帥”的執教功力,要保住英超“Big4”之位,應該絕不成問題,但對於重返歐冠戰場嘅曼聯嚟講,依然係最大嘅考驗。
足球評述員 Ben
留言