英超轉會較淡靜
新一季歐洲各大聯賽快將開鑼,以往轉會市場一向最活躍嘅英超,今季似乎較為平靜,特別係重鎊交易唔多。第一富豪球會曼城收購的史達寧與戴菲係最具份量,以球隊本身能力,要重奪英超冠軍,仍屬熱門分子之一。
至於車路士只搵咗比高域代替施治,前鋒線借用曼聯棄將法卡奧,基本上原班人馬展開衛冕。阿仙奴更加原封不動,只買入同市死敵車路士鋼門施治,要爭冠仍有一定困難。
“紅軍”利物浦今季繼續加碼,賓迪基、占士米拿、基連及費明奴都係實力派球員,紅軍整體戰力肯定得到提升,相信今季會有一定競爭力。曼聯今季誓要重振聲威,所以招兵買馬最為積極,舒雲斯迪加、迪比、達美安、舒尼達連及門將羅美路都係國腳級球星,加上本身一衆猛將,紅魔今季確有足夠實力向車路士與曼城挑戰。
可惜,剛收到一個不幸消息,因今季英格蘭超級聯賽轉播費非常昂貴關係,官方電視台已經宣佈今季冇英超睇,對本地球迷嚟講,簡直晴天霹靂。
足球評述員 Ben
留言