媒體
分類
新聞
- 執委會：培養灣區志願者
- 傲星劍擊中心開幕
- 因地制宜發展項目
- 青年灣區團訪穗收穫豐
- 赤揚甲橫掃慈青初賽第三
- 聯樂反勝嘉華上前五
- 萊比錫贏“特”穩前四
- 聖日門險平勒哈費爾
- 維拉撞“車”前四被動
- 英超英冠鴻溝顯現
- 體壇快訊
- 黑熊今撼不敗藍英
- 籃球小將賽激戰落幕
- 阿仙奴爭冠衝“刺”
- 羅馬十“拿”九穩
- 體壇快訊
- 粵港澳醒獅賽群獅獻技
- 裴梓臻唐心雨大學羽賽掄元
- 推動曲棍球再普及
- 青年灣區團訪穗體育界
想睇英超自己諗計
2015-08-04 06:30
想睇英超自己諗計
等足差不多三個月，歐洲五大聯賽將於今周開鑼。餓咗咁耐波嘅球迷，相信會大叫：“終於等到了。”可惜小城免費睇英超的年代終要告終，因新季英超轉播費大幅上調，貴到“嚇死人”。球迷要欣賞這項深受港澳及世界球迷歡迎的賽事，的確要諗諗計。
有印象的球迷，相信會記得上季有免費英超睇時，經常出現強強大戰唔播，反而播放二流球隊對壘的情況，亦有不少球迷為此投訴，直呼“有冇搞錯”。唔係馬後炮，當時賈某已預期今季免費英超凍過水。可惜是即使想畀錢睇英超，本澳的收費電視至今亦未搞掂轉播洽談，即係話畀錢都未必有得睇。
這邊無得播，那邊又話未傾掂，唔通無得睇？非也，神通廣大的球迷，近日已密密討論某某盒子有機會睇波，買個“盒”返去睇波之餘，同時收看其他不同節目，一舉兩得。唔想咁麻煩，球迷亦可選擇上網收看，只是要降低要求，觀看畫質及解像度低一截的網上視頻了，還要升級家中的上網速度，唔係的話等睇“定格戲”。
講返英超，今季賽事肯定好睇過上季多多聲，相信車仔一隊獨大的情況不會再現，兵工廠簽入好龍門實力即時再升級，藍月亮簽入潛質新星實力繼續加強，曼聯針對性引援力足爭霸，紅軍亦大肆擴軍決心重振雄風，加上熱刺、修咸頓、愛華頓都力足做攔路虎搞亂檔，七國咁亂鬥得精彩，成屋花生都唔夠食。
賈大廚
留言