朱茵最近接拍內地真人節目《偶像來了》復出。
朱茵20年前演出「紫霞仙子」,令到佢名成利就。
20年前同周星馳拍《西遊記大結局之仙履奇緣》嘅朱茵,因「紫霞仙子」一角清純調皮,至今仍然令好多粉絲念念不忘。自從2012年與Beyond成員黃貫中結婚,仲生埋女之後,朱茵就淡出娛樂圈。最近,佢復出接拍內地真人節目《偶像來了》,朱茵就話24小時都畀人「偷窺」嘅感覺好唔習慣,不過同咁多藝人一齊玩遊戲,好似返到以前讀書嘅時候,令佢對人生有咗新嘅睇法。
前日,朱茵接受內地媒體訪問,佢就講到當年拍《西遊記》嗰時,無諗過「紫霞仙子」會咁受歡迎,佢話:「好感激鍾意我嘅觀眾,我從來都冇諗過可以成為咁多人心目中嘅女神。」而《大話西遊3》早前已經開拍,其中「紫霞仙子」一角由內地女星唐嫣代替接演。朱茵就話:「其實都幾遺憾,但參唔參與演出,唔係自己可以決定嘅事。」不過,朱茵希望觀眾唔好畀導演劉鎮偉太大壓力,佢話:「劉鎮偉係一個好好嘅導演,佢會將最好嘅嘢呈現畀觀眾,希望大家唔好有太多比較。」
留言