方大同舉辦一連兩場「音樂很窮」十周年演唱會。
演唱會尾場作網上直播,令方大同有點緊張。
日前,方大同舉辦一連兩場十周年演唱會,並以「音樂很窮」為主題。圈中好友包括:周國賢、謝安琪和張繼聰等,都有前來棒場。方大同坦言滿意當晚的表現,他說:「從上一次巡迴到而家,把聲已經一年幾冇休息過,參與幕後工作都要一直用聲,其實都幾攰,不過今次嘅表演出乎我意料!」
提到這次演唱會尾場會網上直播,方大同笑言有點緊張,因為從沒試過直播。當晚個唱,方大同特別排了一支舞蹈獻給歌迷,他說:「身邊嘅朋友同歌迷都叫我多啲跳舞,所以為咗令大家開心,我上咗三節舞蹈課,都幾大壓力。」提及好友薛凱琪未有到場,方大同表示本來也有邀請她,不過她正在忙著拍戲。
提及好友房祖名出獄後首次接受訪問,詳談獄中的生活。方大同表示:「其實佢出嚟之後,我都有見過佢。佢知我食齋,仲特登請我去素食餐廳。佢而家好正面積極。」問到稍後會否有音樂上的合作?他說:「其實都聽過佢喺音樂上嘅諗法,希望佢可以花多啲時間喺音樂上面。」
留言