英超刺激翻牆都要睇
望穿秋水,新一季英格蘭超級聯賽明晚再燃戰火,到底邊隊笑到最後、舉起英超冠軍獎盃,首輪過後或現端倪。
英超身體對抗性強、節奏明快、形勢緊湊、球星如雲皆是受歡迎的原因。雖然澳門公仔箱今季未能再現各隊爭勝畫面,但神通廣大的球迷定能搵到變通之法。事實上,新季英超競爭之激烈,球迷唔睇一定走寶。衛冕的車仔今夏未見大手交易,但勝在班底深厚,不少名宿、球評家認為有力衛冕。唯一隱憂是迪亞高哥斯達傷患不斷,新援法卡奧狀態存疑,或對衛冕添不穩因素。
曼城上季四大皆空,今季已不容半點差池。藍月亮因應個別位置引入史達寧及戴菲等球星,仍是奪冠大熱。
阿仙奴今夏未見大手交易,但引入門將施治隨時成爭標最重要一步,因門將不穩一向是兵工廠軟肋,施治的豐富經驗可起穩定軍心、守住最後一關的作用。曼聯今夏引入小豬、迪比、舒尼達連等實力戰將,攻守實力再度提升,新季戰績有望再上一層樓。紅軍經歷失望的一季後,今夏繼續大舉掃貨引入六、七位球員,只是上季亦簽入數位戰將,陣容大變,今夏仍未必有作為。
順帶一提,英超今夏暫時在轉會窗的支出已達五億鎊,有望創歷來新高。各隊落重本買人又實力貼近。若果澳門球壇都能多點球迷支持,做好發展、推廣工作,踢出澳版的紅魔鬼、紅軍或車仔,小城足球相信能有更好發展。
賈大廚
留言