鄧紫棋表示已經準備好去面對香港的觀眾和傳媒。
方大同成功邀請馬來西亞歌手茜拉擔任演唱會嘉賓。
日前,方大同「音樂很窮演唱會」來到最後一場,成功邀請馬來西亞歌手茜拉擔任嘉賓。圈中一眾好友,包括:鄧紫棋(G.E.M.)、王菀之及林憶蓮等,也紛紛現身捧場。對於好友薛凱琪未能到場,方大同表示不期待會有驚喜現身,因為他知道對方很忙,正在台灣拍戲。
獲悉方大同和茜拉有表演,兩人的老友G.E.M.當然現身支持,她說:「同茜拉已經半年冇見,不過未知會唔會一齊食飯,因為佢連續唱咗兩日,怕佢攰。」提到與緋聞男友馮允謙外出逛街,G.E.M.表示:「嗰日其實係同一班朋友食飯,只不過其他朋友嚟遲咗,我哋見面先啫。」
提到早前新城音樂會後,G.E.M.不接受訪問便離開,之後長時間不在香港工作,感覺是為了洗底讓大家忘記之前發生的事情。對此,G.E.M.解釋:「其實喺音樂會嘅前一日已經做過訪問,我得到嘅消息喺嗰日唔使做訪問,所以唔清楚成件事係點安排。」她表示之前一直在外地工作,最近才有空回香港看演唱會。
留言