張曼玉為電影獻唱主題曲,仲包攬詞、曲創作。
去年,張曼玉喺內地草莓音樂節上以一首搖滾版〈甜蜜蜜〉成為熱話。
近年轉型做歌手嘅50歲影后張曼玉(Maggie),去年喺內地草莓音樂節上以一首搖滾版〈甜蜜蜜〉成為熱話,佢低沉嘅歌喉加上嚴重走音被網民評為「上帝放棄的聲音」。對於「地獄嗓」呢個稱號,Maggie就話:「我演咗20部戲都被人話係花瓶,所以唱歌都希望有20次機會。」近日,Maggie又為電影《戀愛中的城市》演唱主題曲,仲身兼作詞、作曲,可謂愈挫愈勇。
從去年簽約「摩登天空」並喺內地草莓音樂節開唱至今,Maggie喺音樂嘅路上一直愈挫愈勇。佢今次為電影《戀愛中的城市》獻唱主題曲〈如果沒了你〉,仲包攬詞、曲創作同演唱,以沙啞嘅聲音詮釋對愛嘅感受。據傳為咗今次嘅主題 曲,Maggie用咗近半年時間,不斷同製片人交流。對於第一次寫電影主題曲,Maggie表示既興奮又緊張,甚至連自己嘅專輯都押後推出,真係相當用心。
留言