鄧麗欣表示最近忙於拍攝新戲,已經連續通宵三晚。
鄧麗欣與吳業坤等一起出席商場活動。
日前,鄧麗欣(Stephy)、吳業坤、森美與小儀等,一起出席商場活動。Stephy表示最近正忙於拍攝葉念琛的新戲,她說:「已經連續拍咗三晚通宵,而家感覺好似夢遊一樣,之前拍咗一場好激嘅嗌交戲,喺睡眠不足嘅情況下,成個人好虛脫,血壓上升,好辛苦。所以奉勸大家冇必要都唔好嗌交。」
問Stephy跟男友方力申是否很少吵架?她笑言:「寧願冷戰,不過冷戰最多都係一日,因為我唔記得冷戰緊,第二日會好自然同佢講嘢,所以就輸咗。」提到好姊妹吳雨霏(Kary)日前於四季酒店補辦喜宴,Stephy表示:「我冇去,今次主要係招呼長輩,不過Kary有計劃再搞Party慶祝。」
留言