古天樂表示這次拍攝不算辛苦，拍打戲導演都會先確保安全。  

古天樂、余文樂及張孝全三大男神，一起出席《迷城》首映禮。  

余文樂說導演拍攝時堅持使用真刀打鬥。  
古天樂、余文樂、張孝全和導演林嶺東在香港出席電影《迷城》的首映禮，三大男神一起出現在一部電影裡，的確是非常難得。古天樂與余文樂在戲中飾演親兄弟，觀眾大讚兩人戲中非常有默契。對此，余文樂說：「其實我哋今次係第一次合作，可以畀到觀眾有熟悉嘅感覺，我覺得係好事。」

在受訪時，古天樂透露導演喜歡找演員聊天，他說：「拍通宵戲捉你傾天光就慘啲，拍早班戲就冇乜所謂。」談及古天樂的角色原本是由吳彥祖演出，後來因吳彥祖辭演，導演才找古天樂頂替演出。對此，古天樂表示：「當時吳彥祖出咗啲狀況，導演問我有冇檔期，我同佢識咗十幾年，如果可以配合肯定冇問題。」

導演堅持用真刀

談到導演拍攝時堅持使用真刀打鬥，余文樂說：「都慣咗啦！一去到就要拍，要集中精神。其實冇諗過驚唔驚，最重要確保把刀唔好斬到落嚟。」問到有沒有因此而受傷？古天樂說：「都係啲皮外傷冇乜大礙。好多人覺得導演要求好高，比較火爆，但佢而家已經好好多，好照顧我哋嘅安全，就算用真刀都會確保安全先做。」

古天樂：不會拍續集

談到向來較為沉默的張孝全，余文樂就笑說：「佢好靜，又唔鍾意出街，有時覺得佢無乜存在感。」問到首次飾演反派的張孝全是否適應？他說：「應該比之前好，一開始有點嚇到。（做反派感覺如何？）非常過癮。」至於會否考慮拍續集？古天樂就搞笑地說：「我哋冇約定話要拍下集喎！約出嚟食飯就得。」