方健儀下廚倒瀉籮蟹
告別主播界後的方健儀(Akina)首度主持烹飪節目,向“潮菜神廚”許美德拜師學藝,許師傅為了考驗她的廚藝,特意安排她生劏新鮮黃花魚及花蟹,嚇得她花容失色。
Akina坦言和許師傅下廚很有壓力,“師傅步驟太快,我一不留神就做錯,又要重做,好似考緊試咁。”但許師傅都表示同樣大壓力,“我唔擅長講話,好多時咬字唔正,有懶音,Akina就會糾正我,搞到我要好小心翼翼。”
有“淡定女主播”之稱的方健儀予人能幹、堅強的感覺,但她說:“私底下我其實好眼淺,唔係女強人。對上一次喊只在兩、三個星期前,因為工作上突然收到一個好急的任務,只得幾個小時去準備,那一刻覺得好崩潰、無助,更開始質疑自己揀自由工作者呢條路係咪行錯?好彩最後都成功完成。”
留言