鄧麗欣同男友方力申,出席新戲《紀念日》嘅開鏡儀式。
鄧麗欣大爆方力申講過比粗口更難聽嘅說話!
十年前拍《獨家試愛》系列電影嘅鄧麗欣同男友方力申,近日就情侶檔出席新戲《紀念日》嘅開鏡儀式。對於十年後再拍葉念琛執導嘅戲,鄧麗欣同方力申都話好期待呢次嘅演出,佢哋仲透露《紀念日》會延續從前電影中嘅夫妻關係,鄧麗欣話過咗十年時間,無論係現實或者電影入面,佢哋嘅關係都出現咗變化。
《紀念日》講鄧麗欣同方力申兩人結婚多年,關係出現咗唔少變化,所以戲入面會有好多嗌交戲。不過,鄧麗欣就話因為演得太多嗌交戲,搞到佢而家已經唔想再同任何人嗌交。佢哋又講到喺戲入面嘅對白好火爆,非常之難入耳。咁喺現實中佢哋嗌交嗰時,係咪一樣會講啲難聽嘅說話?方力申就話絕對唔會,不過鄧麗欣就即時大爆方力申講過比粗口更難聽嘅說話!令到方力申非常尷尬。
留言